Pearson College UWC да Халқаро бакалавриат дипломлар дастури (IBDP) асосида таълим берилади. Бу ерда стандарт фанлардан ташқари, фалсафа, денгизни ўрганувчи  фанлар, француз ва испан тиллари, тасвирий санъат ва театр соҳаларига оид билимларни ўрганиш мумкин.

Pearson College UWC   мактабида талабалар    амалиёт машғулотларида асосан “Ижод, фаоллик, хизмат қилиш” (CAS) дастури  доирасидаги таълим оладилар. Мазкур курсни муваффақиятли тугатиш учун  талабалар таълимнинг биринчи ва иккинчи йили оралиғида 80 соатлик ижтимоий фойдали билан шуғулланишлари, шу тариқа ўзлари яшайдиган  шаҳар жамоатчилигига фойда келтиришлари керак.

Семестр давомида талабалар бир маротаба  алоҳида ёки кичик гуруҳ таркибида лойиҳани ўйлаб топади, ишлаб чиқади ва амалга оширади.

Талабалар Викторияда ҳар йили ўтказиладиган One World тадбирлари доирасида ўз юртларининг мусиқа, рақс санъати ва ўзи хос тарихини Виктория шаҳрининг маҳаллий аҳолиси билан баҳам кўради. Бундай тадбирлар коллежда доим ўтказилади. Шунингдек, улар Global Affairs, Special Topic Days, Cultural Sharing Days, Village Gatherings каби мунтазам жамоат тадбирларини ўтказадилар ва қатнашадилар, шунингдек, талабалар шаҳарчасининг Фавқулодда вазиятларда ҳаракат қилиш гуруҳида кўнгилли бўлишлари мумкин.

Талабалар қишлоққа хизмат кўрсатиш тариқасида кампус бўйлаб ёрдам беришлари шарт. Улар чиқиндиларни йўқотиш, кутубхоналарни яхши сақлаш ва кампус билан боғлиқ бошқа ишларда ёрдам беради.

Шунингдек талабалар ҳар куни ёлғиз ва ҳафтада бир марта гуруҳлар таркибида спорт билан шуғулланадилар.

Дунёнинг чеккаларидан ёшлар ҳар йили Pearson College UWC   мактабига ташриф буюриб,  Пирсон (Person Seminar on Youth Leadership, PSYL) Ёш етакчиларнинг уч ҳафталик амалий  семинарида қатнашади. Семинар давомида халқаро ёшлар ҳаркатини ташкил қилишга қаратилган  UWC ҳаракати фаолиятини чуқур ўрганадилар, мазкур ҳаракатнинг ҳар бир аъзоси дунёни яхшилик томон ўзгартириш иштиёқи билан фаолият юритади.

Аксарият ўқитувчилар ва уларнинг оила аъзолари коллеж кампусида талабалар билан бирга яшайди. Бу ерда 5 та талабалар ётоқхонаси бўлиб, уларнинг ҳар бирида устозлар яшайдиган алоҳида квартира бор. Ҳар бир хонада 4 талаба яшайди, ҳар бир ётоқхонада эса 40 га яқин талаба истиқомат қилади.

Кампуснинг меъморий кўриниши Шимолий Американинг Ғарбий соҳилига хос замонавий услубда бўлиб, у ернинг табиати билан уйғундир. Бу ерда соҳилга яқин  жойлашган ошхона,  охирги замонавий техника билан жиҳозланган лаборатория, синфхоналар, 300 кишига мўлжалланган театр, кичик маърузахоналар,  тасвирий санъат билан шуғулланадиган жой,  кутубхона ва маънавият марказидан иборат Таълим ресурс маркази мавжуд. Кампусда ноёб иккита маъморий иншоот бор. Улардан бири – кўрфаз қирғоғида жойлашган сузувчи Денгиз фанлари марказидир.  Марказда денгизни ўрганиш учун керакли жиҳозлар билан таъминланган лаборатория ҳам бор.  Иккинчи иншоот – бу тепаликда жойлашган обсерватория бўлиб,  унда астрономик тадқиқотлар ва тунги осмонни кузатиш ишлари олиб борилади.

Талабалар Рейс-Рокс экологик қўриқхонадан узоқ бўлмаган ҳудудда  сув усти ва сув остида ҳам тадқиқотлар олиб борадилар.  Кампуснинг спорт машғулотлари ўтказиладиган ҳамда дам олиш инфраструктураси 25 метрлик бассейндан иборат спорт зали, очиқ теннис майдончалари, баскетбол ва волейбол майдонлари,  футбол майдони,  талабалар учун умумий уйлар ҳамда туристик йўлаклар ва велосипед трассасини ўз ичига олади.

Кампус Канаданинг ғарбий соҳилидаги Ванкувер оролининг жанубий нуқтасига яқин Педдер-Бей кўрфази соҳилидаги ўрмонзор масканда  жойлашган.  Коллеж Британия Калумбияси провинцияси  пойтахти - Ванкувер шаҳридан  тахминан 30 км масофададир.

Талабалар UWC national committee ёки UWC Global Selection Programme мурожаат қилишлари мумкин. Истиснолар фақат қочқинлар ёки фуқаролиги бўлмаган аҳоли ва ноёб ҳолатларда. Pearson College UWCҳақида қўшимча маълумот олиш учун websiteга ташриф буюринг.