Онлайн-ариза қандай тўлдирилади
Онлайн-ариза қандай тўлдирилади
1-қадам: Рўйхатдан ўтиш ва шахсий кабинетга рухсат
UWC коллежига ўқишга кириш онлайн-аризани тўлдириш учун Ўқишга кирувчилар учун талаблар бўлимидаги ҳавола орқали ўтиш ва аризаларни қабул қилиш тизимида рўйхатдан ўтиш керак.
Рўйхатга олиш саҳифасида шахсий электрон почтангиз манзилини, исмингиз ва отангизнинг исмини (инглиз тилида), мазкур тизимга кириш учун ўзингиз фойдаланадиган паролни кўрсатишингиз керак. Шу шартларни бажаргач, Create Account тугмасини босасиз.
Рўйхатдан ўтгандан кейин 10 дақиқа ичида сизнинг e-mail га ҳавола жўнатилади. Ўша ҳавола орқали ўтиб ва паролни киритиб, шахсий кабинетга киришга рухсат оласиз.
Диққат! Хабардор қилиш тизимлари спам-фильтрлар билан тўхтатиб туриладиган ҳолатлар ҳам бўлади, шу боис агар шахсий кабинетга рухсат учун ҳавола берилган маълумотни 10 дақиқа мобайнида олмасангиз, “Спам” папкасини текширишингиз керак. Агар 24 соат мобайнида маълумот олмасангиз, илтимос, uzbekistan@uwcnc.org – манзилга мурожаат қилинг.
Шахсий кабинетга киргандан кейин қисқа мувофиқлик анкетасини тўлдиришингиз ва қуйидаги ариза бериш усулларидан бирини танлашингиз керак:
- UWC Миллий Комитетлари тизими / UWC National Committee system (саралашдан муваффақиятли ўтган номзодлар молиявий эҳтиёжларига биноан стипендияга даъвогарлик қилишлари мумкин);
- Глобал саралаш дастури / UWC Global Selection Programme (номзодлар коллежда таълим олишнинг тўла нархини тўлашга тайёр бўлишлари керак).
Сиз агар UWC National Committee ни танласангиз, тизим қайси UWC саралаш комитети орқали ариза бериш ҳуқуқига эга эканингизни аниқлаб беради. Бунинг учун қисқа мувофиқлик анкетасини тўлдиргандан кейин Programs тугмачасини босиш керак.
Эсингизда бўлсин: сиз фақат битта саралаш комитети орқали ариза беришингиз мумкин.
Шахсий кабинетингиздаги танлаган дастурингизда онлайн-ариза бўлимларини тўлдиришга оид вазифаларнинг интерактив рўйхати кўринади.
2-қадам: 1-4 вазифаларни тўлдириш - Ариза топширувчи ҳақида Маълумот
Номзод томонидан инглиз тилида тўлдирилади.
"Шахсий маълумотлар" (Personal information) ва " Алоқа маълумотлари" (Contact Information) топшириқлари аризачи томонидан бажарилади ва аризачининг маълумотларига оид умумий саволларни ўз ичига олади. Ушбу бўлимлар UWC номзодининг қандай фикрда эканлиги, унинг UWC учун мос эканлиги ёки унинг акси, мос эмас эканлигини тушунишига ёрдам беради.
Академик маълумотлар (Academic Information) топшириғига академик кўрсаткич имзоланган ва мухрланган нусхаси қўшилади, шу жумладан охирги йилдаги бахолар ( 10-синф ўқувчилари 9-синфни тугатганлиги тўғрисидаги гувохнома нусхасини илова қилишлари мумкин.
Илованинг асосий қисми (Асосий ариза маълумотлари-Core Application Information) саволларга жавоб бериш ва 50 дан 400 сўздан ташкил топган қисқача иншо ёзишни ўз ичига олади. Агар сўнгги уч йил ичида ютуқлар мавжуд бўлса тасдиқлаш хужжат /лари (мукофот, диплом, сертификат) қўшилади.
3-қадам: 5-вазифани тўлдириш - Ота-она/улардан бири/васий(лар) ҳақидаги Маълумотлар ва уларнинг Рухсатлари
Ота-она/улардан бири ёки васий(лар)томонидан тўлдирилади.
Ушбу бўлимни ўзбек, рус ёки инглиз тилида тўлдириш мумкин.
Ота-она(лар) /васийларнинг маълумотлари (Parent(s) / Guardian(s) Information and Authorization’’), авторизация маълумотлари ва аризачининг UWCга мурожаат қилиш қарорини қўллаб-қувватлашини ва у UWC га мурожаат қилиши учун барча шартларни тушунганлигини тасдиқлаш учун талаб қилинади. Бу вазифа ота-она(лар) /васийлар(лар) томонидан бажарилиши лозим.
Ушбу вазифаларни бажариш бўйича барча техник кўрсатмалар тақдим этилган дастур платформасида тақдим этилади.
4-қадам: Ҳужжатларни юклаш - 6-8 вазифалар
- Шахсий кабинетингиздаги саҳифада Profile photo ни танлаб, фотосуратингизни илова қилишингиз керак. Фотосуратда юзингиз йирик қилиб олинган бўлиши керак. Очилган саҳифада Choose File («Файлни танлаш») тугмачасини босиб, ўзингизнинг компьютердаги папкалардан зарур фотосуратни танланг, кейин Save («Сақлаш») тугмачасини босинг. Тизим тасвирнинг *.jpg, *.gif, *.png. форматларини қабул қилишга мослаштирилган.
- Шахсингизни тасдиқловчи ҳужжатни (паспорт, хорижий паспорт, туғилганлик тўғрисидаги гувоҳнома ёки ID) вазифалар рўйхатида Upload a copy of your passport or ID or Birth certificate («Паспорт, хорижга чиқиш паспорти, ID ёки туғилганлик ҳақидаги гувоҳнома нусхасини юклаш») ни танлаб, илова қилиш зарур. Ариза бераётган пайтда хорижий паспорт бўлмаса, хорижий паспорт олишни маслаҳат берамиз, чунки танловдан муваффақиятли ўтсангиз, сизга хорижий паспорт керак бўлади. Очилган саҳифада Choose File («Файлни танлаш») тугмачасини босиб, ўзингизнинг компьютердаги папкалардан зарур ҳужжатни танланг, кейин Mark as complete («Тугатиш») тугмачасини босинг.
- Номзод ва унинг ота-онаси/васийларидан бири томонидан тўлдирилган ва имзоланган шахсий маъмулмотларини қайта ишлаш Розилик хатининг нусхасини вазифадаги тегишли ҳаволага босиб, мазкур ҳужжат формасини олиш мумкин) вазифалар рўйхатидаги (Task) Upload a copy of the Consent to Personal Data processing («шахсий маъмулмотларини қайта ишлашга Розилик хатининг нусхасини юклаш»)ни танлаб, илова қилиш зарур. Очилган саҳифада Choose File («Файлни танлаш») тугмачасини босиб, ўзингизнинг компьютердаги папкалардан зарур ҳужжатни танланг, кейин Mark as complete («Тугатиш») тугмачасини босинг.
5-қадам: Аризани жўнатиш
Вазифалар рўйхатида сиз ўз аризангизга оид ҳар бир вазифанинг жорий ҳолатини кўришингиз мумкин. Аризанинг барча бўлимлари тўлгандан кейин уни UWC саралаш комитетига жўнатиш учун Submit («Ариза бериш») тугмачасини босинг.
Ўзингизни текширинг!
Тўлдирилган аризани жўнатишдан олдин, барча шаклларни тўлдирганингизга ва аризангиздан қониқишингизга ишонч ҳосил қилиш учун Submit тугмаси ёнида жойлашган Review тугмасидан фойдаланишингиз мумкин.